2018-yilning 1-dekabriga qadar Majburiy ijro byurosi Farg‘ona viloyati, O‘zbekiston tumani bo‘limiga aliment va unga tenglashtirilgan to‘lovlarni undirish haqida (o‘tgan yilning qoldig‘i bilan)1 993 ta ijro hujjatlari kelib tushgan. Bu haqda O‘zbekiston tumani Majburiy ijro bo‘limi “Daryo”ga xabar berdi.
1 993 ta ijro hujjatlaridan hozirgacha 298 ta ijro hujjatlari ijrosi tamomlangan hamda 1 695 ta ijro hujjatlari qoldiqni tashkil qilgan.
Ma’muriy javobgarlik to‘g‘risidagi kodeksning 474-moddasiga kiritilgan o‘zgartirishdan so‘ng, aliment pullarini qasddan to‘lamasdan kelgan 21 nafar qarzdorga nisbatan ma’muriy qamoq jazo chorasi qo‘llanilmoqda.
Jumladan, qarzdor O‘zbekiston tumani, Qum MFY, Oydinbuloq qishlog‘ida yashovchi fuqaro 1986-yilda tug‘ilgan G‘.K undiruvchi D.F (ismlar shartli) foydasiga ikki nafar farzandini moddiy ta’minoti uchun 7 750 000 so‘m alimentni to‘lashdan bo‘yin tovlab kelganligi sababli tuman ma’muriy sudining qarori bilan G.K.ga Ma’muriy javobgarlik to‘g‘risidagi Kodeksning 474-moddasi bilan aybli deb topildi va unga nisbatan 15 (o‘n besh) sutka ma’muriy qamoq jazosi qo‘llanildi.
Ma’lum qilinishicha, 71 nafar oila yarashtirilishi ta’minlanib, 71 ta ijro hujjatlari tamomlangan. Bundan tashqari, 825 ta qarzdorning O‘zbekiston Respublikadan chetga chiqish huquqlari cheklangan. Shuningdek, 365 ta qarzdor ishga joylashtirilgan.
Izoh (0)