Путин: Математика ўзимга бўлган баҳони оширди

Владимир Путин Бутунроссия очиқ дарсида математика устози сабабли ўзига бўлган баҳоси ошгани ҳақида сўзлаб берди. Бу ҳақда «РИА Новости» хабар берди.

Очиқ дарс «ПроеКТОриЯ» Бутунроссия профессионал форуми доирасида Ярославда бўлиб ўтди ва барча мактабларда тўғридан-тўғри олиб кўрсатилди.Президент саккизинчи синфга қадар математика фани билан муаммолари бўлганини қайд этди.«Мени математика мутлақо қизиқтирмасди, ҳаёт тарзим мутлақо бошқача эди. Шунда мактабимизги янги ўқитувчи келди, мактабдан эмас, университетдан, менимча, у Питернинг математика институтидан эди. У математика тўгарагини очишни таклиф қилди. Биз олий математика билан шуғуллана бошладик», — дейди президент.Президент факултативлар унга ёққанлигини ва у математикани уддалай олишни бошлаганини айтди.«Шунда мен ўқитувчимга қараб: «Менга қаранг, биз шуғулланаётганимиз математика эмас-ку, дедим». У эса: «Бу айнан математика», деди. Сиз мактабда ўқиётганларингиз, — бу арифметика, бу эса бошқа нарса, абстракт фикрлашни талаб қилади, сен бунинг уддасидан чиқяпсан», — дейди президент.Президент янги ўқитувчи сабабли ушбу фан унинг учун кашфиёт бўлганини тан олди.

«Мен ҳали ҳам ундан миннатдорман, мен ҳатто унинг исмини ҳам эслолмайман. Аммо у менинг ўзимга бўлган ишончимни ошиши ва бошқа соҳаларда ҳам билимимни ортиши, ривожланишим, олдинга қадам босиб, муваффақиятларга эришишимга сабаб бўлди», — дейди у.

Ўқувчилар билан суҳбатлашар экан президент исталган касб эгаси давлат раҳбари бўлиши мумкинлигини айтди.«Одатда юридик, ёки иқтисодий маълумотга эга инсонлар давлат раҳбари бўлади. Ушбу профессионал билим ва кўникмалар жуда зарур ва фойдали», — дейди Путин.Бироқ у кўп мамлакатлар тепасида турли соҳаларда маълумотга эга одамлар, ҳатто физиклар ҳам борлигини ҳам қайд этди.Президент бундай фаолият турини танлаган инсон ўзини бутун умрини танлаган ишига бағишлай олишига ишониши кераклигини айтди.

Путин ривожланаётган йўналишлардан уни генетика ва сунъий интеллект ҳайратга солишини таъкидлади. У шунингдек асосий фанлар сифатида биология ва информацион технологияларни кўради.«Биология — бу жуда кенг тушунча, у ерда йўналишлар кўп. Академик Таммнинг айтишича, XXI аср биология асри, ҳудди ХХ аср физика асри бўлгани каби.