Дунёнинг энг гўзал бувиси номини олган Жаклин Берридо Писано кўринишидан унинг ёши 30—35, бундан кўп ёш беришнинг имкони йўқ, аммо аслида унинг ёши 50 да, дея ҳикоя қилади «AdMe».
https://www.instagram.com/p/Bmkww0WB_Sx/
Унинг тўнғич қизи 30 ёш, икки невараси бор. Бундан ташқари шахсий бизнеси ва ўзининг гўзаллиги сирлари билан бўлишадиган Instagram’да 500 минг нафар обуначилари бор.
Жаклиннинг тақдири барчани ларзага солади, сабаби унинг блоги фақат мода, услуб ва гўзаллик ҳақида эмас, балки ҳар қандай она учун оғир бўлган йўқотишдан сўнг ҳам ҳаётга бўлган иштиёқни сақлаб қолиш ҳақида.
https://www.instagram.com/p/Bg0jnEphmH_/?utm_source=ig_embed
Жаклин ўзи ким ва у нима учун блог юрита бошлади
Жаклин Сербияда камбағал оилада туғилган. Ёшлигида Италияга олий маълумот олиш учун кўчиб ўтган. Талабалик йиллари осон бўлмаган — у баъзи пайт очликда официант ва репетитор бўлиб ишлаган ва параллел равишда иккита факультетда таҳсил олган. Ҳозирда Жаклин Италияда яшайди, тендер ўтказадиган компания эгаси, беш тилда бемалол гапира олади.
Ўз блогини у ўғли Стефан сабабли очган. Йигит Белградга ўқиш учун кўчиб ўтган. Ўғлининг кўчиб ўтишидан ҳавотирда бўлган онага ўғли Instagram’да блог юритишни таклиф қилган. 2016 йилда 23 ёшида унинг ўғли автомобиль ҳалокатида вафот этган. Аёл ўғлининг хотирасига блогини юритишда давом этди ва ҳар бир чоп этган нарсаси остига #rememberstefan (#стефанёдимда)тегини қўяди.
https://www.instagram.com/p/BrC4anYALGb/?utm_source=ig_embed
Спорт ва тўғри овқатланиш ҳақида
Блог юритишдан таскин топган Жаклин ўзининг кузатувчиларига гўзаллиги ва идеал қомати сирлари ҳақида ёзади.
Сиз алкоголь, носоғлом овқатланиш ва спорт билан кам шуғулланиш орқали чиройли кўринишга эга бўлмайсиз. Кескин натижалар кескин меҳнатни талаб қилади.
Мен 10 ёшимдан буён спорт билан шуғулланаман. Бу ҳудди тиш тозалаш каби ҳаёт тарзимга айланган. Аммо хушбичим ва гўзал бўлиш ҳеч қачон кеч эмас.
Чалғимаслик учун ўзим билан спортзалга ҳеч қачон телефон олмайман.
Ўз рациони ҳақида Жаклин шундай деб ёзади:
Мен оқсил кўп истеъмол қиламан.
Асосан сабзавот, гўшт, балиқ ва денгиз маҳсулотларидан иборат органик диетага амал қиламан.
Нон ва шакар истеъмол қилмайман.
Жуда кўп мева еб, сув ичаман. Шарбат ва албатта кунига битта авокадо ейман.
https://www.instagram.com/p/BhZIP7vhByf/?utm_source=ig_embed
Парваришлаш хусусида
Қуёш таъсиридан сақланинг. Мен кўчага чиқишдан олдин юқори SPF (SPF 50) ли крем суртаман, шу тарзда юзим ва бўйнимни қуёш таъсиридан асрайман.
Агар чексангиз тўхтанг. Кашандаларнинг териси тез қарийди.
Ухлашдан олдин ҳар доим юзингизни пардоздан тозаланг.
Юзингизга тикловчи кремлар суртинг. Мен бир кун Shiseido Bio-Performance, кейинги куни кокосли Virgin coconut oil ёғини суртаман.
Танангизга намлантирувчи кремлар суртинг, фақат юз ва бўйнингиз билан чегараланманг. Намлантирувчи кремлар терининг таранглигини сақлайди.
Сифатли косметикадан фойдаланинг. Сифат доим ҳам қиммат нарх дегани эмас. Танам учун мен оддий Nivea кремидан фойдаланаман.
Жаклин ботокс қўллашини яширмайди. Ботокс ҳақида ёмон гапирадиганлар ёмон ботоксни назарда тутади.
https://www.instagram.com/p/BrFNkAenQ9r/?utm_source=ig_embed
Оиланинг аҳамияти ва қарилик гашти тўғрисида
Жаклин учун энг асосийси — оила. Ёшликни қандай сақлаб қолиш тўғрисидаги саволга у ички, маънавий гўзаллигингиз борасида қайғуринг, деб жавоб беради. Бу сизнинг юзингизда ҳам акс этади. Бу нарсалар ўзаро боғликлигига ишонаман. Мен ижобий энергияга ишонаман. Яхшилик ҳаётимизни бошқаришини биламан.
Биз улғайиш қувончини қабул қилишимиз керак, чунки бунинг ҳам ўз гашти бор. Менинг ўғлим Стефан Милянович йўл-транспорт ҳодисасида ҳалок бўлганида 23 ёшда эди, у ана шундай бахтни кўра олмаган.
Изоҳ (0)