Turkmaniston prezidenti Gurbanguli Berdimuhamedov Sport va turizm milliy instituti yaqinida qurilayotgan yangi binolar bilan tanishdi. Bu haqda “Xronika Turkmenistana” xabar bermoqda.
Bosh planga ko‘ra, bu yerda institut fakulteti, 450 o‘rinli yotoqxona, sportkompleks, dam olish zonasi, velotrek va basseyn quriladi. Shuningdek, sport va yoshlar siyosati vazirligi binosi quriladi.
Berdimuhamedov mamlakatda buning uchun barcha sharoitlar yaratilgan bo‘lsa ham turkmanistonlik sportchilar tomonidan xalqaro musobaqalarda erishilayotgan natijalar talablarga javob bermayotganini tanqid qildi.
Shundan so‘ng u hamrohlari bilan Olimpiya shaharchasiga yo‘l oldi. Bu yerda bouling o‘ynab, trenajyorlarda shug‘ullandi.
Izoh (0)