Makron ish haqini 100 yevroga ko‘tarib, soliqlarni kamaytirishga va’da berdi

Fransiya prezidenti Emmanyuel Makron mamlakatda favqulodda iqtisodiy holat e’lon qildi. Bu haqda “Dojd” xabar berdi.

U hukumatga yanvardan eng kam oylik ish haqini 100 yevroga ko‘tarishni, ish vaqtidan tashqari ishni soliqqa tortmaslik, soliqni boylikka aylantirishdan voz kechishni taklif qildi.Prezident korxonalardan imkoniyat bo‘lgan taqdirda yil yakunlari bo‘yicha ishchilarga bonuslar to‘lab berishni iltimos qildi hamda ushbu mukofotlarni soliqqa tortmaslikka va’da berdi.

Shuningdek, u pensionerlar va kam ta’minlanganlarning soliq yukini yengillashtirishga va’da berdi. Mazkur choralarni u mamlakatda iqtisodiyot va ijtimoiy sohada “favqulodda holat” joriy etish deb atadi.Makron “sariq nimchali”larning norozilik namoyishini o‘rinli deb aytgan.

U aksariyat odamlarning ahvoli yomonligi va ularni hech kim eshitmasligida o‘zini aybdor deb bildi.

Shu bilan birga u namoyishchilarning politsiyachilarga nisbatan hujumini oqlamasligini ham qayd etdi.

Fransiyadagi namoyishlar noyabr oyi o‘rtalarida boshlangan. Avvalroq, namoyishchilar soliq va avtomobil yoqilg‘isining narxlarii oshishi, shuningdek Makronning iqtisodiy siyosatiga ham qarshi chiqgan.

Namoyish ishtirokchilari Parijda politsiyachilarga hujum qildi, mashinalarni yoqib, peshtaxtalarni sindirgan.

17-noyabrdan e’tiboran Fransiya IIV xabariga ko‘ra, mamlakatda 4,5 ming namoyishchi qo‘lga olingan.