Xitoy sudi Apple’dan eski iPhone modellarini mamlakat hududida sotishni taqiqladi. U Qualcomm kompaniyasining Xitoyning to‘rt Apple Inc. sho‘ba korxonalariga qarshi da’vosini qondirdi. Bu haqda “Forbes” xabar berdi.
Sud darhol Qualcomm’ning ikkita patenti talabini buzayotgan iPhone 6S, iPhone 6S Plus, iPhone 7, iPhone 7 Plus, iPhone 8, iPhone 8 Plus va iPhone X smartfonlari savdosi va importini to‘xtatish to‘g‘risida qaror qabul qildi.
Avvalroq ushbu patentlar Xitoyning SIPO patent idorasi tomonidan tan olingandi. Import va savdoni taqiqlash 2018-yilning sentabrida taqdim etilgan iPhone XS, iPhone XS Max va iPhone XR modellariga taalluqli emas.Munozarali patentlar suratlarni tahrirlash hamda dasturni iPhone sensori bilan boshqarishga bog‘liq. The Wall Street Journal dastlabki taqiq 30-noyabr kuni kiritilganini ma’lum qildi.“Apple bizga kompensatsiya to‘lashdan bosh tortib, bizning intellektual mulkimizdan foydalanishni davom ettirmoqda. Ushbu sud qarori Qualcomm’ning patnet portfeli kuchini yana bir tasdig‘i sanaladi”, — deyiladi xabarda.Apple kompaniyasida Qualcomm’ning mahsulotlarga taqiq kiritish bo‘yicha harakatlar noqonuniy bo‘lib, butun dunyodagi nazorat organlari tomonidan tekshirilmoqda”, — deyiladi Apple’ning javobida. iPhone ayni damda Apple smartfonlarining barcha modellari Xitoyda mijozlar uchun ochiq ekanligini ma’lum qildi.Xitoydagi sudda yutkazib qo‘yish to‘g‘risidagi yangiliklar fonida Apple aksiyalari 10-dekabrdagi savdolarda ikki foizga tushib, 165,2 AQSh dollarni tashkil qildi. Uning kapitalizatsiyasi 15 milliard AQSh dollariga tushdi va 783 millliardga yetdi. Noyabr boshidan buyon kompaniya 220 milliard AQSh dollar kapitalizatsiyasidan ayrildi.
Izoh (0)