Rossiyaning harbiy samolyotlari Venesuelaning Xalqaro Mayketiya aeroportiga parvoz qildi, bu haqda “Interfaks” xabar berdi.
Janubiy Amerikaga Rossiya havo-kosmik kuchlariga qarashli ikkita Tu-160 strategik raketa tashuvchisi, og‘ir harbiy An-124 transport samolyoti va uzoq magistralli Il-62 samolyotlari yo‘naltirildi.Rossiya Mudofaa vazirligining bergan ma’lumotlariga ko‘ra, parvoz havo kengligidan foydalanish xalqaro qoidalariga rioya qilgan holda amalga oshirilgan.
Harbiylar Atlantika okeani va Karib dengizlarini kechib, 10 ming kilometrdan ortiq yo‘lni uchib o‘tdi.10-dekabr kuni Rossiya Venesuelaga yadro qurollari olib o‘tish imkoniyatiga ega Tu-160 bombardimon samolyotlarini yuborishi xabar berilgandi. Bundan oldin Rossiya mudofaa vaziri Sergey Shoygu Rossiya harbiy aviatsiyasi Venesuelaga parvoz qilishda, kemalari esa Venesuela portlariga kirishda davom etishini ma’lum qilgan.
6-dekabr kuni Rossiya prezidenti hamda uning venesuellalik hamkasbi Nikolas Maduro Karakasga moliyaviy yordam ko‘rsatishga kelishib oldi.
Rossiya Venesuelaga ikkinchi bor Tu-160 bombardimonchisini yubormoqda: 2008-yilda ikkita bombardimon samolyot Venesuelaning Archil orolida missiya o‘tagan. Unda samolyot bortida yadro quroli bo‘lmagan.
Izoh (0)