Bloger Sara Shakil Emirates aviakompaniyasiga tegishli, sirti qimmatbaho toshlar bilan bezatilgan Boeing suratini o‘zining Instagram sahifasiga joyladi, deb yozadi Sputnik.
Xuddi shu kunning o‘zida fotosurat Emirates aviakompaniyasining Twitterdagi profilida paydo bo‘ldi.
“Emirates Bling 777 ni e’tiboringizga havola qilamiz. Surat Sara Shakil tomonidan yaratilgan”, — deb yozgan post ostida kompaniya vakillari.
Internet foydalanuvchilari surat tagida hayrat so‘zlari o‘rniga o‘zlarining nafrat to‘la izohlarini qoldira boshladi. Ular ortiqcha dabdabadan nihoyatda g‘azabda ekanliklarini yozib, bu pullarni o‘ta muhim narsalarga sarflash mumkin ekanligini alohida qayd etgan.
Kadrning haqiqiy ekanligiga shubha bilan qaraganlar ham topilgan. Sanoqsiz yaltir-yultur Photoshop ishidan boshqa narsamas, deb yozgan ular.
Dabdabaga qarshi kurashuvchilar yengil tin olishlari mumkin, ushbu surat chop etilayotgan vaqtda birorta samolyotga shikast yetmagan va bir dona ham brilliant behuda sarflanmagan.
Sara Shakil – rassom bo‘lib, o‘z kolleksiyasida virtual tarzda yaltiroq ishlov berilgan o‘nlab fotosuratlarga ega. Masalan: “brilliant” kartoshka fri, “brilliant” muzqaymoq va hokazo.
Izoh (0)