Блогер Сара Шакил Emirates авиакомпаниясига тегишли, сирти қимматбаҳо тошлар билан безатилган Boeing суратини ўзининг Instagram саҳифасига жойлади, деб ёзади Sputnik.
Худди шу куннинг ўзида фотосурат Emirates авиакомпаниясининг Twitter’даги профилида пайдо бўлди.
«Emirates Bling 777 ни эътиборингизга ҳавола қиламиз. Сурат Сара Шакил томонидан яратилган», — деб ёзган пост остида компания вакиллари.
Интернет фойдаланувчилари сурат тагида ҳайрат сўзлари ўрнига ўзларининг нафрат тўла изоҳларини қолдира бошлади. Улар ортиқча дабдабадан ниҳоятда ғазабда эканликларини ёзиб, бу пулларни ўта муҳим нарсаларга сарфлаш мумкин эканлигини алоҳида қайд этган.
Кадрнинг ҳақиқий эканлигига шубҳа билан қараганлар ҳам топилган. Саноқсиз ялтир-юлтур Photoshop ишидан бошқа нарсамас, деб ёзган улар.
Дабдабага қарши курашувчилар енгил тин олишлари мумкин, ушбу сурат чоп этилаётган вақтда бирорта самолётга шикаст етмаган ва бир дона ҳам бриллиант беҳуда сарфланмаган.
Сара Шакил – рассом бўлиб, ўз коллекциясида виртуал тарзда ялтироқ ишлов берилган ўнлаб фотосуратларга эга. Масалан: «бриллиант» картошка фри, «бриллиант» музқаймоқ ва ҳоказо.
Изоҳ (0)