Isroil armiyasi “Shimoliy qalqon” operatsiyasini boshlagani va operatsiya davomida “Hizbulloh”ga tegishli bo‘lgan Livandan o‘tuvchi yer osti yo‘llarini topib, ularni yo‘q qilish bo‘yicha ishlarni boshlagan. Bu haqda 4-dekabr, seshanbada o‘tkazilgan brifingda Isroil harbiylarining rasmiy vakili Jonatan Konrikus ma’lum qildi, deb yozadi TASS.
Harbiy vakilning qo‘shimcha qilishicha Isroil shimolda joylashgan Metula hududi harbiy harakatlar olib borilayotgan uchun, yopib qo‘yilgan. Shuningdek, jangovar harakatlar Isroil nazorati ostidagi Golland tepaliklarida ham olib boriladi.
3-dekabr kuni Isroil bosh vaziri Binyamin Netanyaxu Bryusselda AQSh davlat kotibi Maykl Pompeo bilan uchrashib, Isroil shimolida joylashgan Eron va uning tarfdorlari hisoblangan Livan, Suriya va Iroq bosimiga qarshi choralarni muhokama qilgan.
Izoh (0)