Tojikistonning Tog‘li Badaxshon viloyatining ma’muriy markazida Tojikiston chegarachilari ishtirokida YTH oqibatida to‘rt kishi jabrlandi. Bu haqda Asia-Plus xabar berdi.
Ma’lum qilinishicha, voqea 1-dekabr kuni Pamir-1 GES hududida sodir bo‘lgan. YTH natijasida ikki kishi halok bo‘lgan, shu jumladan homilador ayol ham, qolgan bir yo‘lovchi va marshrutka haydovchisi jiddiy jarohatlar bilan kasalxonaga yotqizilgan.
Ma’lumotlarga ko‘ra, chegarachilar “Toyota RAV-4” xizmat mashinasida to‘g‘ridan to‘g‘ri yo‘nalishda harakatlanib kelayotgan marshrutkaga borib urilgan. To‘qnashuv qattiq bo‘lganligi sabab, marshrutkadagi yo‘lovchi ayollardan biri ushbu hududdan oqib o‘tuvchi kanalga tushib ketgan. Uning jasadi hali topilmagan.
Mazkur voqea yuzasidan jinoiy ish qo‘zg‘atilgani xabar qilinmoqda.
Izoh (0)