Turkiya prezidenti Rajab Toyyib Erdo‘g‘on 1-dekabr, shanba kuni G20 sammiti doirasida AQSh prezidenti Donald Tramp bilan uchrashdi. Bu haqda Anadolu agentligiga tayanib, “TASS” xabar bermoqda.
Yetakchilarning muzokaralari matbuot uchun yopiq rejimda bo‘lib o‘tdi va 50 daqiqa davom etdi. Uchrashuv yakunlari bo‘yicha bayonotlar berilganicha yo‘q.
Eslatib o‘tamiz, Argentina poytaxti Buenos-Ayresda 30-noyabr—1-dekabr kunlari G20 sammiti bo‘lib o‘tdi. Unda Fransiya prezidenti Emmanuel Makron o‘ng‘aysiz holatga tushib, ijtimoiy tarmoqlarda kulgiga qolgan bo‘lsa, Germaniya kansleri Angela Merkel sammitga reys samolyotida uchib bordi. Sammit doirasidagi uchrashuvi bekor qilingan AQSh prezidenti Donald Tramp va Rossiya prezidenti Vladimir Putin esa “norasmiy muloqot” qildi.
Izoh (0)