Rossiyaning Surgut shahri (Xanti-Mansilar muxtor okrugi)dagi “Lenta” gipermarketidan 1,3 mingga yaqin kishi yonib ketgan kabel tufayli evakuatsiya qilindi, deb yozadi “RIA Novosti” Rossiya FVVga tayanib.
Do‘kondagi sexlardan birida yuzaga kelgan yong‘in haqida 2-dekabr, yakshanba kuni Toshkent vaqti bilan 15:50 da xabar kelib tushgan.
Voqea joyiga 4 ta texnika, FVV shaxsiy tarkibidan 15 kishi yetib kelgan. 1300 ga yaqin kishi evakuatsiya qilingan. Tekshiruv natijasida yordamchi binoda kabel yonib ketgani aniqlandi.
Mutaxassislar hodisa sabablarini o‘rganmoqda.
Izoh (0)