Qashqadaryoda O‘zbekiston Respublikasining Konstitutsiyasi qabul qilinganligi 26 yilligi munosabati bilan “O‘zbekiston yoshlari — yangi zamon bunyodkorlari!” shiori ostida o‘tkazilayotgan yoshlar festivali doirasida bir guruh yosh oilalarga “Yoshlar” uylari kaliti tantanali topshirildi. Bu haqda O‘zA xabar berdi.
“Bugun yoshlar uchun barcha imkoniyatlar eshigi ochiq. Bundan unumli foydalangan yoshlarni rag‘batlantirish borasidagi ishlarga ham alohida e’tibor qaratilmoqda. Ko‘pchilik iqtidorli tengdoshlarim qatori, ingliz tilini puxta o‘rgandim. Ustozlarimning o‘gitlariga quloq tutdim. Oliygohda bu bilimlarim yanada mustahkamlandi. Hozirda o‘zim ustozlik qilyapman. Ko‘plab shogirdlarim viloyat, respublika miqyosidagi fan olimpiadalarida faxrli o‘rinlarni qo‘lga kiritib kelmoqda. Pedagogik faoliyatimni boshlaganimga 10 yil bo‘ldi. Shuncha yillardan buyon ijarada yashab kelardim. Bu orada oilali bo‘ldim. Hozirda uch nafar farzandim bor. Mana bugun bizning oilamiz uchun haqiqiy tantana. Uyimizda ayolim, farzandlarim uchun barcha sharoitlar muhayyo. Nasib etsa bu xonadonda baxtli hayot kechiramiz”, — deydi Qarshi shahridagi 1-davlat ixtisoslashgan maktab internati o‘qituvchisi, “Xalq ta’limi a’lochisi” ko‘krak nishoni sohibi Husan Yallayev.
Izoh (0)