O‘zbekiston hududlarida elektrning o‘chirilishi energiya va gaz iste’moliga qo‘yilgan limitlar bilan bog‘liq bo‘lib chiqdi

O‘zbekiston tuman va shaharlarida elektr ta’minotining o‘chirilishi elektr energiyasi iste’moliga nisbatan o‘rnatilgan cheklovlar bilan bog‘liq. Bu haqda “O‘zbekenergo” vakili “Gazeta.uz”ga ma’lum qildi.

O‘z ismini oshkor qilishni istamagan kompaniya bo‘limi boshlig‘i so‘zlariga ko‘ra, cheklovlar Iqtisodiyot vazirligi tomonidan hisoblab chiqiladi va o‘rnatiladi. Iste’mol uchun cheklovlar issiqlik elektr stansiyalarida elektr toki ishlab chiqarilishiga asos bo‘luvchi yoqilg‘i-moylash materiallari uchun ham amal qiladi.

“Elektr energiyasi iste’moli uchun bir kunlik limitni iste’molchi ikki yoki uch soatda sarflab qo‘yishi mumkin. Iste’mol normadan oshib ketmasligi kerak. Oshib ketsa, bu elektr uzatish liniyalari yuklamasi oshib ketishiga va stansiyalarda elektr energiya uzatish to‘xtab qolishiga olib keladi. Transformatorlar bunday yuklamani bajara olmaydi. Yuklama pasaytirilib, uzatish qayta tiklanmagunicha elektr ta’minoti bo‘lmaydi”, — dedi manba.

Gazdan me’yordan oshiq foydalanish tavsiya etilmaydi, ammo elektr tokini o‘chirish ham mumkin emas, chunki xalq norozi bo‘ladi, dedi kompaniya vakili. “Agar biz elektr energiyasini limitdan oshiq ishlab chiqarmaganimizda, uzilishlar 8—9 emas, balki 20 soatdan davom etgan bo‘lardi”, — deya aniqlik kiritdi u. Nashr suhbatdoshi o‘rnatilgan limitlar haqidagi ma’lumot bilan bo‘lishdi.