Qozog‘iston Respublikasi Prezidenti Nursulton Nazarboyev nima sababdan mamlakatda oilalar buzilishi ko‘paygani haqida gapirdi, deb yozadi “Nur.kz” nashri.
“Barchasiga maktablarda berilgan noto‘g‘ri tarbiya va ta’lim aybdor. Yoshlar hayotga tayyor bo‘lmasdan oila qurmoqda”, — deydi Prezident.Prezident 1,5 million nikohga 25-30% ajrim to‘g‘ri kelayotganini qayd etdi.“Hayotda har xil vaziyatlar bo‘ladi — kimlardir ota-onasi bilan chiqisha olmaydi, boshqalarning uyi yo‘q, yana kimningdir maoshi kamlik qiladi. Asosiysi hayotga mutlaqo tayyor bo‘lmagan yoshlar oila quryapti. Qizlar ham yigitlar ham o‘z vazifasini bilmaydi. Erkaklar bu katta mas’uliyat ekanligini anglamayapti. Ishing va ma’lumoting bo‘lmasa, sen oila qura olmaysan. Buni farzandlariga uqtirayotganlar bormi? Aytish shart”, — deydi Nazarboyev.Shuningdek, Nazarboyev yoshlarning oddiy muloqot qilish uquvi yo‘qligini, bunga maktablarda ta’lim-tarbiya berilishi lozimligini qayd etdi.
Izoh (0)