Қозоғистон Республикаси Президенти Нурсултон Назарбоев нима сабабдан мамлакатда оилалар бузилиши кўпайгани ҳақида гапирди, деб ёзади «Nur.kz» нашри.
«Барчасига мактабларда берилган нотўғри тарбия ва таълим айбдор. Ёшлар ҳаётга тайёр бўлмасдан оила қурмоқда», — дейди Президент.Президент 1,5 миллион никоҳга 25-30% ажрим тўғри келаётганини қайд этди.«Ҳаётда ҳар хил вазиятлар бўлади — кимлардир ота-онаси билан чиқиша олмайди, бошқаларнинг уйи йўқ, яна кимнингдир маоши камлик қилади. Асосийси ҳаётга мутлақо тайёр бўлмаган ёшлар оила қуряпти. Қизлар ҳам йигитлар ҳам ўз вазифасини билмайди. Эркаклар бу катта масъулият эканлигини англамаяпти. Ишинг ва маълумотинг бўлмаса, сен оила қура олмайсан. Буни фарзандларига уқтираётганлар борми? Айтиш шарт», — дейди Назарбоев.Шунингдек, Назарбоев ёшларнинг оддий мулоқот қилиш уқуви йўқлигини, бунга мактабларда таълим-тарбия берилиши лозимлигини қайд этди.
Изоҳ (0)