Pxenyan yadro quroli chiqarishni bir yil oldin yakunlaganini va endi mamlakatning iqtisodiy rivojiga e’tibor berganini eslatib o‘tdi. Bu haqda “Korrespondent.net” xabar berdi.
“Noyabrda bo‘lib o‘tgan Shimoliy Koreyaning strategik statusini oshirgan tarixiy voqea imperialistik agressiya va yadro tahdidlariga yakun yasadi, hamda KXDR xalqi uchun barcha kuchlarni iqtisodiyotga qaratish imkonini berdi”, — deyiladi xabardi.“Tarixiy voqea” deganda 2017-yilning 29-noyabr kuni bo‘lib o‘tgan Xvason-15 qit’alararo ballistik raketasining uchirilishi nazarda tutilmoqda.Xabarda keltirilishicha, “KXDR kuchining namoyishi Koreya yarimorolida ikki Koreyaning uchta uchrashuvi hamda Shimol va AQSh o‘rtasida birinchi sammit o‘tkazilishi kabi radikal o‘zgarishlarga olib kelgandi”.Shu bilan birga Pxenyanga nisbatan hech qanday sanksiya va bosimlar ish bermasligi qayd etiladi.Avvalroq, Shimoliy Koreya rahbari Kim Chen In yuqoritexnologik qurolning sinovdan muvaffaqiyatli o‘tgan harbiy poligonga tashrif buyurgandi.Eslatib o‘tamiz, 2017-yilning 29-noyabr kuni Shimoliy Koreyaning STAK agentligining ta’kidlashicha, AQShning istalgan hududiga yetib borish imkoniga ega qit’alararo Xvason-15 ballistik raketasini uchirgan. Janubiy koreyalik harbiylarning ma’lumotlariga ko‘ra, raketa 960 km uchib o‘tib, 4,5 ming kilometrga ko‘tarilgan.
Izoh (0)