AQSh Yamanga oziq-ovqat yordami uchun qo‘shimcha 131 million dollar mablag‘ ajratdi. Bu haqda AQSh davlat kotibi Mayk Pompeo ma’lum qildi, deb yozmoqda “RIA Novosti”.
Pompeo tomonidan ma’lum qilinishicha, AQShning so‘nggi 14 oy davomida Yamanga ajratgan insonparvarlik yordamining umumiy miqdori 697 million dollardan oshgan.
Yamanda hukumat va “Ansar Alla” qo‘zg‘olonchilari o‘rtasidagi harbiy-siyosiy nizo 2014-yildan buyon davom etmoqda. Saudiya Arabistoni boshchiligidagi arab harbiy koalitsiyasi hukumat kuchlarini 2015-yilning mart oyidan buyon qo‘llab-quvvatlamoqda.
Izoh (0)