22—23 noyabr kunlari Birlashgan Arab Amirliklarining Fujayra shahrida taekvondo WTF bo‘yicha Gran-Pri turniri bo‘lib o‘tadi, deb xabar beradi MOQ matbuot xizmati.
Bellashuvlarda O‘zbekiston terma jamoasi a’zolari ishtirok etadi.
Gran-Prida O‘zbekiston sharafini Dmitriy Shokin, Nikita Rafalovich va Nigora Tursunqulovalar himoya qiladi. Musobaqa g‘olibi 6000 AQSh dollari va 80 reyting ochkosiga ega bo‘ladi. Kumush medal sohibi 3000 AQSh dollari va 48 reyting ochkosi bilan mukofotlanadi. Bronza medaliga sazovor bo‘lgan sportchi esa 1000 AQSh dollari va 28,8 reyting ochkosini o‘z hisobiga qo‘shib qo‘yadi.
24-25 noyabr kunlari esa Fujayraning o‘zida jamoalar o‘rtasida Jahon kubogi tashkil qilinadi. Mazkur musobaqada o‘zbekistonlik sportchilar ham qatnashadi. Bahslarda O‘zbekiston sharafini quyidagi sportchilar himoya qilishadi:
- Maksim Rafalovich
- Hojiakbar Zokirov
- Zuhriddin Honimqulov
- Shahboz Tusmatov.
- Dmitriy Shokin
- Suhrob Bobobekov
- Niyoz Po‘latov.
Izoh (0)