22—23 ноябрь кунлари Бирлашган Араб Амирликларининг Фужайра шаҳрида таэквондо WTF бўйича Гран-При турнири бўлиб ўтади, деб хабар беради МОҚ матбуот хизмати.
Bellaшувларда Ўзбекистон терма жамоаси аъзолари иштирок этади.
Гран-Прида Ўзбекистон шарафини Дмитрий Шокин, Никита Рафалович ва Нигора Турсунқуловалар ҳимоя қилади. Мусобақа ғолиби 6000 АҚШ доллари ва 80 рейтинг очкосига эга бўлади. Кумуш медаль соҳиби 3000 АҚШ доллари ва 48 рейтинг очкоси билан мукофотланади. Бронза медалига сазовор бўлган спортчи эса 1000 АҚШ доллари ва 28,8 рейтинг очкосини ўз ҳисобига қўшиб қўяди.
24-25 ноябрь кунлари эса Фужайранинг ўзида жамоалар ўртасида Жаҳон кубоги ташкил қилинади. Мазкур мусобақада ўзбекистонлик спортчилар ҳам қатнашади. Баҳсларда Ўзбекистон шарафини қуйидаги спортчилар ҳимоя қилишади:
- Максим Рафалович
- Ҳожиакбар Зокиров
- Зуҳриддин Ҳонимқулов
- Шаҳбоз Тусматов.
- Дмитрий Шокин
- Суҳроб Бобобеков
- Ниёз Пўлатов.
Изоҳ (0)