Insonlar yashaydigan uylarni ham tirik organizmning murakkab tizimiga qiyoslasak mubolag‘a bo‘lmaydi. Kislorodning qon tomirlar orqali barcha hujayralarni hayot bilan ta’minlab turgani kabi injenerlik tizimi ham tunu kun tinimsiz ishlab, har bir xonadonga qulaylik baxsh etib turadi.
Tashkent City XIM №1 raqamli Lot hududida qurilayotgan Gardens Residence kompleksi allaqachon o‘zining ehtiyojlariga ega bir butun organizmdek faoliyat ko‘rsatmoqda. U tashrif buyuruvchi va istiqomat qiluvchilar uchun o‘ziga xos va noyob takliflari bilan boshqalardan ajralib turadi.
Loyihaga muvofiq 2020-yilga qadar bu hududda “sog‘lomlashtirish” qavati ham paydo bo‘ladi. Ushbu qavatda sport-sog‘lomlashtirish kompleksi tashrif buyuruvchilarga fitnes zal va hovuzlarda mashqlar, saunada hordiq chiqarish hamda fitnes kafeda sog‘lom ovqatlanishni taklif etadi.
Bundan tashqari, Gardens Residence’da istiqomat qiluvchilarning jajji kichkintoylari uchun qariyb 6,5 ming m2 maydonda zamonaviy bolalar bog‘chasi ham quriladi. Bu yerda 16 ta interaktiv xonadan iborat: o‘yin maydoni, yopiq hovuz, sport zal, asosiysi, ta’lim-tarbiyada zamonaviy pedagogik texnologiyalar qo‘llaniluvchi bolalar kompleksi barpo etiladi.
Turli yoshdagi bolalar uchun, uyning hovlisida dunyo xavfsizlik standartlariga javob bera oladigan o‘yingoh va sayr uchun maydonlar ham qurilish rejasiga kiritilgan. Ishdan bo‘sh vaqtlarni uyning yonida joylashgan butik, restoran va turli marketlarni o‘z ichiga olgan dam olish va xarid qilish markazlarida o‘tkazish mumkin.
Shahar shovqinidan charchaganlar hamda toza havoda sokin sayrni sevuvchilar uchun esa, alohida bog‘ va hovuzlar yaratish loyihaga kiritilgan.
Qurilish bilan parallel ravishda, muhim hisoblangan, injener kommunikatsiya ishlari ham olib borilmoqda.
Obyektda quvurlar tizimini o‘rnatish ayni avjida. Suv yetkazish yo‘llari allaqachon o‘tkazilib, yaqin kunlarda mutaxassislar tizimni haroratning pasayishi, suvning sifati va hakozolarga sinashadi.
So‘ngra quvvat manbasi bilan ishlanadi. Tizimning sozligi kecha-yu kunduz yuqori malakali mutaxassislar kuzatuvi ostida bo‘ladi.
Boshqaruvchi kompaniya uyni sutkada 24 soat nazorat ostiga olib, hududning tozaligini saqlaydigan, ma’ishiy va ma’muriy muammolarni hal etuvchi konsyerj xizmatini tashkil etadi.
Reklama huquqi asosida
Izoh (0)