Инсонлар яшайдиган уйларни ҳам тирик организмнинг мураккаб тизимига қиёсласак муболаға бўлмайди. Кислороднинг қон томирлар орқали барча ҳужайраларни ҳаёт билан таъминлаб тургани каби инженерлик тизими ҳам туну кун тинимсиз ишлаб, ҳар бир хонадонга қулайлик бахш этиб туради.
Tashkent City XИМ №1 рақамли Лот ҳудудида қурилаётган Gardens Residence комплекси аллақачон ўзининг эҳтиёжларига эга бир бутун организмдек фаолият кўрсатмоқда. У ташриф буюрувчи ва истиқомат қилувчилар учун ўзига хос ва ноёб таклифлари билан бошқалардан ажралиб туради.
Лойиҳага мувофиқ 2020 йилга қадар бу ҳудудда «соғломлаштириш» қавати ҳам пайдо бўлади. Ушбу қаватда спорт-соғломлаштириш комплекси ташриф буюрувчиларга фитнес зал ва ҳовузларда машқлар, саунада ҳордиқ чиқариш ҳамда фитнес кафеда соғлом овқатланишни таклиф этади.
Бундан ташқари, Gardens Residence’да истиқомат қилувчиларнинг жажжи кичкинтойлари учун қарийб 6,5 минг м2 майдонда замонавий болалар боғчаси ҳам қурилади. Бу ерда 16 та интерактив хонадан иборат: ўйин майдони, ёпиқ ҳовуз, спорт зал, асосийси, таълим-тарбияда замонавий педагогик технологиялар қўлланилувчи болалар комплекси барпо этилади.
Турли ёшдаги болалар учун, уйнинг ҳовлисида дунё хавфсизлик стандартларига жавоб бера оладиган ўйингоҳ ва сайр учун майдонлар ҳам қурилиш режасига киритилган. Ишдан бўш вақтларни уйнинг ёнида жойлашган бутик, ресторан ва турли маркетларни ўз ичига олган дам олиш ва харид қилиш марказларида ўтказиш мумкин.
Шаҳар шовқинидан чарчаганлар ҳамда тоза ҳавода сокин сайрни севувчилар учун эса, алоҳида боғ ва ҳовузлар яратиш лойиҳага киритилган.
Қурилиш билан параллел равишда, муҳим ҳисобланган, инженер коммуникация ишлари ҳам олиб борилмоқда.
Объектда қувурлар тизимини ўрнатиш айни авжида. Сув етказиш йўллари аллақачон ўтказилиб, яқин кунларда мутахассислар тизимни ҳароратнинг пасайиши, сувнинг сифати ва ҳакозоларга синашади.
Сўнгра қувват манбаси билан ишланади. Тизимнинг созлиги кеча-ю кундуз юқори малакали мутахассислар кузатуви остида бўлади.
Бошқарувчи компания уйни суткада 24 соат назорат остига олиб, ҳудуднинг тозалигини сақлайдиган, маъиший ва маъмурий муаммоларни ҳал этувчи консьерж хизматини ташкил этади.
Реклама ҳуқуқи асосида
Изоҳ (0)