UFC’ning yeng vazndagi rossiyalik chempioni Habib Nurmagomedov irlandiyalik Konor Makgregor bilan boks qoidalari bo‘yicha jang qilishga tayyor, deb yozadi Tengrinews.
Bu haqda sportchining otasi va murabbiyi Abdulmannop Nurmagomedov ma’lum qilgan.
“Konor bilan boks qoidalari bo‘yicha jang biz uchun qiziq. Habib aralash janglarda o‘zining eng yaxshi jangchilar ustidan g‘alaba qozonishga qodir ekanligini ko‘rsata oldi. U bu haqida avvalroq aytgan ham edi, ammo ko‘pchilik ishonmagandi. Uning Maykl Jonson, Edson Barbosa hamda Konor ustidan erishgan g‘alabaridan so‘ng, Habibga ishonishni boshlashdi”,—deydi Abdulmannop Nurmagomedov.
Eslatib o‘tamiz, avvalroq Habibning sobiq jahon chempioni yengilmas Floyd Meyvezer bilan boks qoidalari bo‘yicha jang qilishi mumkinligi haqida xabarlar paydo bo‘lgandi.
Izoh (0)