Jizzax viloyati hokimligiga Italiya Respublikasining Todini Costruzioni Generali kompaniyasining delegatsiyasi tashrif buyurdi. Bu haqda viloyat hokimligi axborot xizmati xabar berdi.
Todini Costruzioni Generali kompaniyasi delegatsiyasining viloyatga tashrifidan ko‘zlangan maqsad Toshkent – Samarqand avtomobil yo‘li yo‘nalishi bo‘lgan M-39 trassa yonidan alohida pullik trassa barpo etish taklifi berishdan iborat bo‘ldi.
Delegatsiya a’zolarini viloyat hokimligining investitsiya kotibiyatidan K.Muhiddinov, “Jizzaxavtoyo‘l” aksiyadorlik birlashmasi raisi R.Holiqov, viloyat yer resurslari va davlat kadastr boshqarmasi boshlig‘i I.Ergashev kutib olib, muloqot qildi.
Uchrashuvda Todini Costruzioni Generali kompaniyasi boshqaruv raisi Vedad Zaymovich Toshkent – Samarqand avtomobil yo‘li yo‘nalishi bo‘lgan M-39 trassa yonidan alohida pullik xizmat ko‘rsatuvchi trassa barpo etish bo‘yicha taklifi borligi hamda viloyatning yo‘l infratuzilmasi bilan tanishish niyatida ekanini aytib o‘tgan.
Izoh (0)