Yagona interaktiv davlat xizmatlari portali yordamida “Ixtisoslashgan so‘yish korxonalarining veterinariya, veterinariya-sanitariya qoidalari va me’yorlariga muvofiqligi haqida veterinariya-sanitariya xulosasini olish” imkoni yaratildi. Bu haqda portal ma’muriyati “Daryo”ga xabar berdi.
O‘zbekiston Respublikasi Prezidentining 2017-yil 1-fevraldagi “Tadbirkorlik subyektlariga davlat xizmatlarini ko‘rsatish mexanizmlarini takomillashtirishga doir qo‘shimcha chora-tadbirlar to‘g‘risida” PQ-2750-son qarori va O‘zbekiston Respublikasi Vazirlar Mahkamasining 2017-yil 15-martdagi “Davlat veterinariya xizmati tizimida ruxsat etish xususiyatiga ega hujjatlarni berish tartib-taomillaridan o‘tish tartibi to‘g‘risidagi nizomlarni tasdiqlash haqida” 139-son qarorining ijrosini ta’minlash maqsadida Yagona interaktiv davlat xizmatlari portalida ixtisoslashgan so‘yish korxonalarining veterinariya me’yorlariga muvofiqligi haqida xulosani olish uchun ariza yuborish imkoni taqdim etildi.
Xulosani 7 ish kuni davomida olish mumkin.
Xulosa kim tomonidan taqdim etiladi?
Tuman yoki shahar veterinariya bo‘limi my.gov.uz orqali murojaat etuvchining iltimosiga binoan tegishli xulosani beradi.
Bu qanday ishlaydi?
1-qadam. Xizmatdan foydalanish shartlari bilan tanishish.
2-qadam. Murojaatchi haqida ma’lumot to‘ldiriladi.
3-qadam. So‘yish korxonasining jismoniy manzili haqida ma’lumot to‘ldiriladi.
- Hudud tanlanadi;
- Tuman tanlanadi;
- Amaldagi faoliyat ko‘rsatish manzili ko‘rsatiladi;
- Ixtisoslashgan so‘yish korxonasining joylashish sxemasi yuklanadi;
- “Siz binoning egasi hisoblanasizmi?” belgilanadi;
- Binoga egalik huquqi yoki ijarani tasliqlovchi shuningdek, ixtisoslashgan so‘yish korxonasi xonalarining qurilish, texnik va ishlab chiqarish tavsifi to‘g‘risidagi hujjatlar nusxasi yuklanadi.
Izoh (0)