Жиззах вилояти ҳокимлигига Италия Республикасининг Todini Costruzioni Generali компаниясининг делегацияси ташриф буюрди. Бу ҳақда вилоят ҳокимлиги ахборот хизмати хабар берди.
Todini Costruzioni Generali компанияси делегациясининг вилоятга ташрифидан кўзланган мақсад Тошкент – Самарқанд автомобиль йўли йўналиши бўлган M-39 трасса ёнидан алоҳида пуллик трасса барпо этиш таклифи беришдан иборат бўлди.
Делегация аъзоларини вилоят ҳокимлигининг инвестиция котибиятидан К.Муҳиддинов, «Жиззахавтойўл» акциядорлик бирлашмаси раиси Р.Ҳолиқов, вилоят ер ресурслари ва давлат кадастр бошқармаси бошлиғи И.Эргашев кутиб олиб, мулоқот қилди.
Учрашувда Todini Costruzioni Generali компанияси бошқарув раиси Ведад Займович Тошкент – Самарқанд автомобиль йўли йўналиши бўлган M-39 трасса ёнидан алоҳида пуллик хизмат кўрсатувчи трасса барпо этиш бўйича таклифи борлиги ҳамда вилоятнинг йўл инфратузилмаси билан танишиш ниятида эканини айтиб ўтган.
Изоҳ (0)