Toshkent shahrining Yunusobod tumanida shu yil 14-noyabr kuni Bog‘ishamol ko‘chasida joylashgan “Stroyteploizolyatsiya biznes” XKga qarashli sintepon ishlab chiqarish sexida yong‘in sodir bo‘lgani haqida xabar berilgan edi.
IIV Jamoatchilik va ommaviy axborot vositalari bilan aloqalar boshqarmasi ushbu yong‘in yuzasidan qo‘shimcha ma’lumotlarni e’lon qildi.
Ko‘rilgan choralar natijasida yong‘in soat 10:34 da o‘rab olinib, soat 12:44 da o‘chirildi. Yong‘in natijasida sexning 2 800 kvadrat metr maydonidagi binoning tom, shift, ichki qismi, taxta panjarali va ishlab chiqarish jihozlari yonib zarar ko‘rgan. Yong‘in o‘chirish vaqtida korxona ish boshqaruvchisi M.K. kuyish jarohatlari bilan shuningdek, Toshkent shahar IIBB YoXB xodimi kichik serjant Sh.U. shu sex tomida bo‘lgan vaqtida tom ko‘chib tushishi natijasida yiqilib jarohat olib kasalxonaga yotqizilgan.
Yong‘in kelib chiqish sabablari va yetkazilgan moddiy zarar midorini aniqlash yuzasidan surishtiruvni Toshkent shahar IIBB olib bormoqda.
Izoh (0)