Тошкент шаҳрининг Юнусобод туманида шу йил 14 ноябрь куни Боғишамол кўчасида жойлашган «Стройтеплоизоляция бизнес» ХКга қарашли синтепон ишлаб чиқариш цехида ёнғин содир бўлгани ҳақида хабар берилган эди.
ИИВ Жамоатчилик ва оммавий ахборот воситалари билан алоқалар бошқармаси ушбу ёнғин юзасидан қўшимча маълумотларни эълон қилди.
Кўрилган чоралар натижасида ёнғин соат 10:34 да ўраб олиниб, соат 12:44 да ўчирилди. Ёнғин натижасида цехнинг 2 800 квадрат метр майдонидаги бинонинг том, шифт, ички қисми, тахта панжарали ва ишлаб чиқариш жиҳозлари ёниб зарар кўрган. Ёнғин ўчириш вақтида корхона иш бошқарувчиси М.К. куйиш жароҳатлари билан шунингдек, Тошкент шаҳар ИИББ ЁХБ ходими кичик сержант Ш.У. шу цех томида бўлган вақтида том кўчиб тушиши натижасида йиқилиб жароҳат олиб касалхонага ётқизилган.
Ёнғин келиб чиқиш сабаблари ва етказилган моддий зарар мидорини аниқлаш юзасидан суриштирувни Тошкент шаҳар ИИББ олиб бормоқда.
Изоҳ (0)