Surxondaryo viloyati bojxona boshqarmasi tomonidan O‘zbekistonga noqonuniy yo‘l bilan tovar-moddiy boyliklarni, shuningdek kontrabanda predmetlarini olib o‘tishga bo‘lgan o‘rinishlar bartaraf etilmoqda, deb xabar beradi Surxondaryo viloyati bojxona boshqarmasi axborot xizmati.
Viloyati bojxona boshqarmasi “Ayritom” chegara bojxona postida bir nechta qonunuzarliklar aniqlandi
Bojxona postining “kirish” piyodalar zaliga kirib kelgan millati afg‘on bo‘lgan, Rossiya Federatsiyasi fuqarosi Z.M. bojxona nazoratidan o‘tkazilish vaqtida unga tegishli qo‘l sumkasi ichidagi 2 dona “Sough” nomli qutilar bojxona xodimlarini e’tiborini tortdi. Og‘izaki so‘rov jaryonida fuqaro Z.M. ushbu qutilarni o‘zi uchun olgani, ularning ichida yo‘talga qarshi damlama borligini ma’lum qildi. Biroq, bojxona xodimlari ushbu qutilarni ochib qo‘rganda ayrim giyohlar bilan aralashtirilgan og‘irligi 86,72 grammni tashkil etuvchi “ko‘knori” giyohvandlik vositasi borligi aniqlandi.
Fuqaro Z.M.ga nisbatan O‘zbekiston Respublikasi Jinoyat kodeksining 246-moddasi (kontrabanda) 1-qismi bilan jinoyat ishi qo‘zg‘atilgan.
Yana bir holatda esa, mazkur chegara bojxona posti orqali O‘zbekistonga kirib kelgan 3503-sonli yuk poyezdi tarkibidagi vagon konstruksiyasining xufiya joyiga ustamonlik bilan yashirib olib kirilayotgan 48,4 gramm “Marixuana” giyohvandlik vositasi to‘xtatib qolindi.
Izoh (0)