Rossiyalik maktab o‘quvchilari va talabalar darsxona taxtasiga “Putin — o‘g‘ri” (“Putin — vor”) iborasini yozish bo‘yicha chellenj (aksiya) uyushtirdi, deb yozadi “Snob.ru”.
Ushbu aksiya boshlanishiga Rossiyaning Krasnoyarsk o‘lkasidagi maktabda sodir bo‘lgan bir voqea turtki bo‘ldi. Xabarlarga ko‘ra, 12-noyabr kuni o‘lkadagi qishloqlardan birida o‘quvchi sinf taxtasiga “Putin — o‘g‘ri” deb yozib qo‘ydi. Tarix va jamiyatshunosik o‘qituvchisi esa o‘spiringa qattiq tanbeh berib, politsiya hamda Putinning soqchilari bilan qo‘rqitdi, shuningdek, bunday nojo‘ya ish uchun otishga hukm qilinishi mumkin bo‘lgan davrlar haqida gapirib berdi.
Shundan so‘ng “VKontakte” ijtimoiy tarmog‘ida Rossiyaning turli burchaklaridagi maktablar o‘quvchilari o‘z sinf taxtalariga “Putin — o‘g‘ri” iborasini yozib, uning suratini e’lon qila boshladi.
Izoh (0)