Kuril orollaridagi Ebeko vulqoni 4,5 km balandlikka kul otdi

Kurilning Paramushir orolida Ebeko vulqoni 4,5 kilometr balandlikka kulini otdi, deb xabar beradi “RIA Novosti”.

Kul ustunining balandligi odatda 2—3 kilometrni tashkil etadi. 31-avgustdagi olti kilometrlik ustun esa rekordni qayd etgan edi. Kul vulqonning 2017-yilda hosil bo‘lgan og‘izlaridan biridan otiladi, 2018-yilning yozidan boshlab jarayon deyarli har kuni kuzatiladi.

“Shanba kuni ertalab Ebeko vulqonining 4,5 kilometr balandlikka kul otishi kuzatildi. Vulqonning shleyfi  undan besh kilometr uzoqlikkacha tarqaldi. Bu haqdagi ma’lumot Rossiya FVVning Saxalin viloyati boshqarmasiga kelib tushgan”, — deyiladi xabarda.

Vulqon hosil qilgan kul ustuni aholi yashash sharoitiga xavf tug‘dirmaydi.