Xalqaro koinot stansiyasining Rossiya segmentida uchta boshqaruv kompyuteridan bittasi ishdan chiqdi, deb yozadi “Interfaks” Amerikaning stansiya ustidan nazorat organlaridagi manbasiga tayanib.
“XKSning “Zvezda” modulidagi Rossiya segmentini boshqaruvchi uchta kompyuterdan birining ishdan chiqqani qayd etildi. Hozircha kompyuter ishini qayta tiklashga muvaffaq bo‘lingani yo‘q”, — dedi manba.
Qolgan ikkita kompyuter odatdagi rejimda ishlamoqda.
Ta’kidlanishicha, bu XKSda so‘nggi vaqtlarda kuzatilgan yagona favqulodda vaziyat emas: 30-avgustga o‘tar kechasi XKSdan havo sizib chiqib ketayotganligi aniqlandi. Ekipaj barcha bo‘lmalarni tekshirib chiqib, teshikni “Soyuz MS-09” kosmik kemasidan topdi.
Izoh (0)