Халқаро коинот станциясининг Россия сегментида учта бошқарув компьютеридан биттаси ишдан чиқди, деб ёзади «Интерфакс» Американинг станция устидан назорат органларидаги манбасига таяниб.
«ХКСнинг «Звезда» модулидаги Россия сегментини бошқарувчи учта компьютердан бирининг ишдан чиққани қайд этилди. Ҳозирча компьютер ишини қайта тиклашга муваффақ бўлингани йўқ», — деди манба.
Қолган иккита компьютер одатдаги режимда ишламоқда.
Таъкидланишича, бу ХКСда сўнгги вақтларда кузатилган ягона фавқулодда вазият эмас: 30 августга ўтар кечаси ХКСдан ҳаво сизиб чиқиб кетаётганлиги аниқланди. Экипаж барча бўлмаларни текшириб чиқиб, тешикни «Союз МС-09» космик кемасидан топди.
Изоҳ (0)