Пентагон АҚШ Марказий қўмондонлигининг Форс кўрфазига «қўшимча ҳарбий ресурслар» жойлаштириш ҳақидаги илтимосини рад этди, деб ёзади «Коммерсантъ» CNN’га асосланиб, у эса ўз навбатида Америка мудофаа вазирлигидаги манбаларига таянмоқда.
Ҳарбийлар сонини ошириш ҳақидаги сўров Эрон истиқболда Вашингтон томонидан киритилган санкцияларга жавобан, АҚШга қарши ҳарбий операция бошлаб қолиши юзасидан хавотир фонида берилган.
АҚШ Марказий қўмондонлиги, шунингдек, яқин ойларда Форс кўрфазига битта Америка авианосецини юборишни сўраган.
Эслатиб ўтамиз, 5 ноябрь куни АҚШ 2015 йилда Барак Обама маъмурияти томонидан бекор қилинган Эронга қарши санкцияларни қайта жорий этди.
Изоҳ (0)