Majburiy ijro byurosi Namangan viloyat boshqarmasi tomonidan tegishli idoralar bilan hamkorlikda salkam 530 million so‘mlik dori vositalari yo‘q qilindi. Bu haqda “Daryo”ga boshqarma jamoatchilik bilan aloqalar va huquqiy axborot bo‘limi ma’lum qildi.
Viloyatda sifati kafolatlanmagan, tashish va saqlash qoidalariga rioya qilinmagan holda chetdan keltirilgan dori vositalarini yashirincha olib kirishga urinish holatlari uchrab turibdi. Aynan bojxona nazoratini chetlab, noqonuniy yo‘llar orqali kirib kelgan va ushlab qolingan dori vositalarini fuqarolarga yetib bormasligi choralari ko‘rilmoqda.
“Namangan dori-darmon” aksiyadorlik jamiyati omborxonasida saqlanayotgan qariyb 90 turdagi dori vositalarini yo‘q qilish tadbirida har bir mahsulot yana bir bor ko‘zdan kechirilib, tegishli dalolatnoma rasmiylashtirildi va maxsus pech yordamida yoqib yuborildi.
Izoh (0)