Мажбурий ижро бюроси Наманган вилоят бошқармаси томонидан тегишли идоралар билан ҳамкорликда салкам 530 миллион сўмлик дори воситалари йўқ қилинди. Бу ҳақда «Дарё»га бошқарма жамоатчилик билан алоқалар ва ҳуқуқий ахборот бўлими маълум қилди.
Вилоятда сифати кафолатланмаган, ташиш ва сақлаш қоидаларига риоя қилинмаган ҳолда четдан келтирилган дори воситаларини яширинча олиб киришга уриниш ҳолатлари учраб турибди. Айнан божхона назоратини четлаб, ноқонуний йўллар орқали кириб келган ва ушлаб қолинган дори воситаларини фуқароларга етиб бормаслиги чоралари кўрилмоқда.
«Наманган дори-дармон» акциядорлик жамияти омборхонасида сақланаётган қарийб 90 турдаги дори воситаларини йўқ қилиш тадбирида ҳар бир маҳсулот яна бир бор кўздан кечирилиб, тегишли далолатнома расмийлаштирилди ва махсус печ ёрдамида ёқиб юборилди.
Изоҳ (0)