28-oktabrga o‘tar kechasi Toshkentda sodir bo‘lgan YTHda Lacetti haydovchisi og‘ir tan jarohatlari bilan kasalxonaga yotqizilgan, avtomobildagi 26 yashar yo‘lovchi esa voqea joyida halok bo‘lgandi. Bu haqda “Repost.uz” xabar bermoqda.
Lacetti avtomobilini YPX xodimlari xizmat avtomobilida quvgan. Oqibatda Lacetti yuk mashinasi bilan to‘qnashib, bo‘laklarga bo‘linib ketgan. Toshkent shahar IIBB mazkur holat yuzasidan rasmiy bayonot berib, xodimlar ustidan xizmat tekshiruvi boshlaganini ma’lum qilgan edi.
Toshkent shahar IIBB boshlig‘i o‘rinbosari Doniyor Toshxo‘jayevga ko‘ra, yo‘l- patrul xizmati xodimlari chindan ham ushbu voqeaga bevosita guvoh bo‘lgan va voqea joyidan ketib qolgan. Ular avtomobilning ahvolini ko‘rib, sarosimiga tushib qolganlari bois hodisa joyini tark etgan, biroq oradan ko‘p o‘tmay, ortiga qaytgan.
Tekshiruv yakunlangunga qadar xodimlar o‘z faoliyatini davom ettirishi yoki ishdan chetlatilishi bo‘yicha qaror qabul qilinadi. Tekshiruv natijalari keyinchalik ma’lum qilinadi.
Izoh (0)