Kecha, Yevropa Ligasi musobaqasining 3-tur bahslari bo‘lib o‘tdi. UEFA tashkiloti mazkur turning eng yaxshi o‘yinchisi bo‘lish uchun nomzod futbolchilar nomini ma‘lum qildi. Bu haqda tashkilotning Twitter‘dagi rasmiy sahifasida xabar berildi.
Unga ko‘ra, da‘vogarlar orasidan “RB Zalsburg” hujumchisi Munas Dabbur, “Chelsi” yarim himoyachisi Ruben Loftus-Chik, “Betis” hujumkor yarim himoyachisi Jovani Lo Chelso va “Fenerbaxche” hujumchisi Mixael Fray o‘rin oldi.
Ma‘lumot uchun, Munas Dabbur “Rusenborg” (3:0) bilan o‘yinda 2 ta gol kiritishga erishdi, Ruben Loftus-Chik BATEga (3:1) qarshi bahsda 3 ta gol urib, het-trik qayd etdi, Jovani Lo Chelso “Milan”(2:1) bilan uchrashuvda 1 ta gol va 1 ta golli uzatmani amalga oshirdi, Mixael Fray ham “Anderlext”ga (2:2) qarshi bahsda 1 ta gol urib, 1 ta golli uzatma berdi.
Ovoz berish UEFA rasmiy saytida amalga oshirilmoqda.
Izoh (0)