Vengriya poytaxti Budapesht shahrida sport kurashlari bo‘yicha Jahon chempionati o‘zining qizg‘in pallasiga kirib bormoqda. Kecha, 25-oktabr sanasida musobaqada yunon-rum kurashi bo‘yicha musobaqalarga start berildi.
Jahon chempionatida -63 kg vazn toifasida O‘zbekiston sharafini himoya qilayotgan Elmurot Tasmurodov Belarus, Xitoy, Moldova, Ukraina vakillarini mag‘lubiyatga uchratdi va finalga yo‘l oldi. Endi u bugun, 26-oktabr sanasida oltin medal uchun rossiyalik Stepan Maryanyanga qarshi gilamga chiqadi.
Eslatib o‘tamiz, bungacha erkin kurash bahslarida ishtirok etgan Bekzod Abdurahmonov bronza medaliga ega chiqqandi.
Izoh (0)