Joriy yilning 12—21-oktabr kunlari Turkiyaning Antaliya shahrida o‘tkazilgan armrestling bo‘yicha 40-Jahon chempionatida O‘zbekiston nomidan Zuhra Xo‘jaqulov ishtirok etib sovrindor bo‘ldi.
Sirdaryolik Zuhra Xo‘jaqulova Jahon chempionatida yoshlar o‘rtasida bahslarda 65 kg vaznda qatnashdi. U 51 ta davlatdan kelgan sportchilar bilan bo‘lgan bellashuvlarda 2-o‘rinni egalladi.
O‘zbekiston esa umumjamoa hisobida 4-o‘rinni band etdi.
Ma’lumot uchun, 2002-yilda tug‘ilgan Zuhra Xo‘jaqulova 2016-sentabr oyidan boshlab sportning armrestling turi bo‘yicha shug‘ullanib keladi.
Zuhra dastlab Sirdaryo viloyati chempionatida chap va o‘ng qo‘l bo‘yicha 2 marta 1-o‘rinni, O‘zbekiston chempionatida bir marta 1-o‘rinni, 4 marta 2-o‘rinni, 2017-yil oktabrida esa Qozog‘istonda o‘tkazilgan ochiq Osiyo kubogi musobaqasida 2-o‘rinni qo‘lga kiritgan.
Izoh (0)