O‘zbekistondagi Britaniya Kengashi, O‘zbekiston Respublikasi Oliy va o‘rta maxsus ta’lim vazirligi hamda London Metropoliten Universiteti hamkorligida Big Idea Challenge ko‘rik-tanlovini tashkil etish va o‘tkazish rejalashtirilgan. Bu haqda Britaniya kengashi matbuot xizmati “Daryo”ga xabar bermoqda.
Ushbu ko‘rik-tanlovni o‘tkazishdan ko‘zlangan asosiy maqsad mahalliy oliy ta’lim muassasalari talabalarining Britaniyada tashkil etiladigan innovatsiya va tashabbuskorlik ko‘rik-tanlovida ishtirok etish imkoniyatini beradi.
Ko‘rik tanlovning asosiy vazifasi mahalliy oliy ta’lim muassasalari talabalariga chet ellik talabalar qatorida o‘z loyihalari bilan ishtirok etish, shu bilan birga innovatsion va tashabbuskorlik bo‘yicha nufuzli xalqaro treninglarda qatnashish imkoniyatini beradi.
London Metropoliten universiteti bir necha yillardan buyon o‘tkazib kelayotgan ushbu tanlov, Yevroosiyo mintaqasida eng yirik va nufuzli tanlovlardan bbiri hisoblanadi. Universitet qoshidagi startap akselerator yosh tadbirkorlarni qo‘llab- quvvatlab kelmoqda va shu vaqt mobaynida 21 million funt strerlingdan dan ortiq daromadga ega biznes loyihalarni amalga oshirish, 170 ta ish o‘rini yaratish va 14,2 million funt sterling sarmoya jalb etishga ko‘maklashib kelmoqda. Tanlovning sezilarli ustunligi u yosh tadbirkolarni nufuzli biznes tashkilotlar va sarmoyadorlar bilan bog‘lovchi ko‘prik vazifasini o‘taydi.
Ushbu ko‘rik-tanlov Britaniya Kengashining “Maxsus maqsadlarga yo‘naltirilgan ingliz tili” loyihasi bilan bevosita bog‘langan holda tashkil etiladi. Big Idea Challenge ko‘rik-tanlovi ingliz tilida tashkil etiladi.
Mahalliy oliy ta’lim muassasalari talabalar innovatsiya va biznesga oid bilimlarini ingliz tilida muloqolot orqali mustahkamlash imkoniyatiga ega bo‘ladi.
Mazkur ko‘rik-tanlov “Ijtimoiy sohada innovatsiya” yo‘nalishida yangi innovatsion va biznes g‘oyalarni qo‘llab-quvvatlashga qaratilgan.
Ko‘rik-tanlov ishtirokchilari yashab turgan hudud (shahar, tuman, qishloq, mahalla)da jamiyatga foyda keltiradigan innovatsion loyihalar bilan ishtirok etishlari lozim. Mamlakat hududi bilan bog‘liq bo‘lgan masalalar va ehtiyojlarga ijtimoiy, atrof-muhit hamda jamiyatga foydali bo‘lgan g‘oyalar orqali o‘z yechimini topish kerak.
Ko‘rik-tanlovda ishtirok etishingiz mumkin, agar siz:
— yakka shaxs yoki 3 kishidan iborat jamoa bo‘lsangiz;
— ijtimoiy ehtiyojlarga yechim topish orqali biznesga ega bo‘lishni xohlasangiz;
— jamiyat uchun ijobiy ta’sir qiladigan ijtimoiy yangiliklarni olib kirishga tayyor bo‘lsangiz;
— bugungi kunda jamiyat oldida o‘z yechimini kutib turgan muammolarni hal qilishning yangicha yo‘llarini ochish istasangiz bo‘lsa.
Tanlov quyidagi bosqichlardan iborat:
Ko‘rik-tanlovning birinchi bosqichi: ko‘rik-tanlovga ishtirokchilarning arizalari va loyiha g‘oyalari shu yil 1-noyabrdan – 2019-yilning 1-fevraliga qadar qabul qilinadi. Ishtirokchilar o‘z loyihalarini onlayn sahifa (sayt havolasi taqdim etiladi) orqali topshirishlari shart.
2019-yil 4-fevralga qadar ishtirokchilar loyihalari ko‘rib chiqiladi va saralanadi. Tanlab olingan ishtirokchilarni keyingi bosqichga o‘tganligi haqida ma’lumot 2019-yil 6-fevral kuni e’lon qilinadi.
Ko‘rik tanlovning ikkinchi bosqichi: tanlab olingan ishtirokchilar (ko‘rik-tanlovda ishtirok etgan har bir oliy ta’lim muassasasidan bittadan loyiha tanlab olinadi) uchun 2019-yil 20-fevral kuni London Metropoliten Universiteti mutaxassislari hamda mahalliy yuqori tajribaga ega ekspetlar tomonidan 8 soatlik “Bootcamp” treningi tashkil etiladi (18–19-fevral kunlari London Metropoliten Universiteti mutaxassislari hamda yuqori malakaga ega mahalliy ekspetlar tomonidan treningga tayyorgarlik ko‘rish ishlari amalga oshiriladi). 2019-yil 21-fevral kuni treningdan so‘ng ishtirokchilar tomonidan tayyorlangan loyihalar taqdimoti video tasvirga yozib olinadi.
Video tasvirga yozib olingan loyihalar taqdimoti hakamlar tomonidan 2019-yil 13-martga qadar tanlab olinadi va keyingi bosqichga tavsiya etiladi;
Ko‘rik–tanlovning uchinchi bosqichi: Tavsiya etilgan video loyiha taqdimotlari veb sahifaga joylashtiriladi. Video loyiha taqdimotlar 2019-yil 20-martdan 7-maygacha jamoatchilik e’tiboriga havola etiladi, shu davr mobaynida veb sahifa orqali jamoatchilik ovoz berish imkoniyatiga ega bo‘ladi.
G‘olib va sovrindorlarni aniqlash: Hakamlar hay’ati qaroriga ko‘ra yagona g‘olib jamoa aniqlanadi hamda undan keyingi 5 talik (2—6-o‘rinlar) ketma-ketligi aniqlanadi. Bundan tashqari eng ko‘p jamoatchilik ovozini to‘plagan video taqdimot “Jamoatchilik ovozi g‘olibi” nominatsiyasini qo‘lga
Ko‘rik-tanlovning Bootcamp bosqichiga saralab olingan jamoa a’zolariga ishtirok etganligini tasdiqlovchi sertifikat beriladi;
Hakamlar hay’ati tomonidan aniqlangan yagona g‘olib jamoa 2019-yil 9-may kuni Londonda bo‘lib o‘tadigan taqdirlash marosimida video link orqali/yoki bir vakil tomonidan ishtirok etish imkoniyatiga ega bo‘lib, g‘olib jamoa 2019-yilning iyul oyida London Metropoliten Universiteti bo‘lib o‘tadigan bir haftalik Launch Pad treningida ishtirok etish imkoniyatini qo‘lga kiritadi.
Izoh (0)