Samarqand viloyatidagi G‘allabuloq va Qushtepada oltinga oid obyektlarni o‘zlashtirish loyihasini amalga oshirish to‘g‘risida Davlat geologiya qo‘mitasi va Turkiyaning “TASHYAPI” kompaniyasi o‘rtasida geologiya-qidiruv ishlarini hamkorlikda qilishning soddalashtirilgan tartibi tasdiqlangan. Bu haqda “Daryo”ga “Davgeolqo‘m” matbuot xizmati xabar berdi.
2018-yil 25-oktabrda loyihani amalga oshirish to‘g‘risidagi bitim imzolandi, unga binoan, birinchi bosqichda “TAŞYAPI INŞAAT TAAHHÜT SANAYI VE TICARET A.Ş.” kompaniyasi keyingi yillarda quyidagi ishlarni amalga oshiradi:
- Mavjud resurs bazasi to‘g‘risidagi axborotni aniqlashtirish va tarixiy geologik qidiruv ma’lumotlari, shu jumladan xalqaro standartlardan foydalanishni tasdiqlash uchun obyektlarda tekshiruv punktlarini ochish;
- Texnologik jarayonlarni ishlab chiqish uchun metallurgik sinovlarini o‘tkazish;
- Oltin zaxiralarini rivojlantirish uchun PTEO (taxminiy texnik-iqtisodiy asoslar) loyihasini ishlab chiqish;.
Ma’lumot uchun, Vazirlar Mahkamasining 2017-yil 31-maydagi 328-sonli qarori bilan strategik jihatdan muhim bo‘lgan qattiq foydali qazilmalarning 111 ta istiqbolli maydonlari va 29 ta koni ro‘yxati tasdiqlangan va ularni geologik o‘rganish va o‘zlashtirish uchun chet el investitsiyalari jalb qilinmoqda.
Izoh (0)