Ўзбекистондаги Британия Кенгаши, Ўзбекистон Республикаси Олий ва ўрта махсус таълим вазирлиги ҳамда Лондон Метрополитен Университети ҳамкорлигида Big Idea Challenge кўрик-танловини ташкил этиш ва ўтказиш режалаштирилган. Бу ҳақда Британия кенгаши матбуот хизмати «Дарё»га хабар бермоқда.
Ушбу кўрик-танловни ўтказишдан кўзланган асосий мақсад маҳаллий олий таълим муассасалари талабаларининг Британияда ташкил этиладиган инновация ва ташаббускорлик кўрик-танловида иштирок этиш имкониятини беради.
Кўрик танловнинг асосий вазифаси маҳаллий олий таълим муассасалари талабаларига чет эллик талабалар қаторида ўз лойиҳалари билан иштирок этиш, шу билан бирга инновацион ва ташаббускорлик бўйича нуфузли халқаро тренингларда қатнашиш имкониятини беради.
Лондон Метрополитен университети бир неча йиллардан буён ўтказиб келаётган ушбу танлов, Евроосиё минтақасида энг йирик ва нуфузли танловлардан ббири ҳисобланади. Университет қошидаги стартап акселератор ёш тадбиркорларни қўллаб- қувватлаб келмоқда ва шу вақт мобайнида 21 миллион фунт стерлингдан дан ортиқ даромадга эга бизнес лойиҳаларни амалга ошириш, 170 та иш ўрини яратиш ва 14,2 миллион фунт стерлинг сармоя жалб этишга кўмаклашиб келмоқда. Танловнинг сезиларли устунлиги у ёш тадбирколарни нуфузли бизнес ташкилотлар ва сармоядорлар билан боғловчи кўприк вазифасини ўтайди.
Ушбу кўрик-танлов Британия Кенгашининг «Maxсус мақсадларга йўналтирилган инглиз тили» лойиҳаси билан бевосита боғланган ҳолда ташкил этилади. Big Idea Challenge кўрик-танлови инглиз тилида ташкил этилади.
Маҳаллий олий таълим муассасалари талабалар инновация ва бизнесга оид билимларини инглиз тилида мулоқолот орқали мустаҳкамлаш имкониятига эга бўлади.
Мазкур кўрик-танлов «Ижтимоий соҳада инновация» йўналишида янги инновацион ва бизнес ғояларни қўллаб-қувватлашга қаратилган.
Кўрик-танлов иштирокчилари яшаб турган ҳудуд (шаҳар, туман, қишлоқ, маҳалла)да жамиятга фойда келтирадиган инновацион лойиҳалар билан иштирок этишлари лозим. Мамлакат ҳудуди билан боғлиқ бўлган масалалар ва эҳтиёжларга ижтимоий, атроф-муҳит ҳамда жамиятга фойдали бўлган ғоялар орқали ўз ечимини топиш керак.
Кўрик-танловда иштирок этишингиз мумкин, агар сиз:
— якка шахс ёки 3 кишидан иборат жамоа бўлсангиз;
— ижтимоий эҳтиёжларга ечим топиш орқали бизнесга эга бўлишни хоҳласангиз;
— жамият учун ижобий таъсир қиладиган ижтимоий янгиликларни олиб киришга тайёр бўлсангиз;
— бугунги кунда жамият олдида ўз ечимини кутиб турган муаммоларни ҳал қилишнинг янгича йўлларини очиш истасангиз бўлса.
Танлов қуйидаги босқичлардан иборат:
Кўрик-танловнинг биринчи босқичи: кўрик-танловга иштирокчиларнинг аризалари ва лойиҳа ғоялари шу йил 1 ноябрдан – 2019 йилнинг 1 февралига қадар қабул қилинади. Иштирокчилар ўз лойиҳаларини онлайн саҳифа (сайт ҳаволаси тақдим этилади) орқали топширишлари шарт.
2019 йил 4 февралга қадар иштирокчилар лойиҳалари кўриб чиқилади ва сараланади. Танлаб олинган иштирокчиларни кейинги босқичга ўтганлиги ҳақида маълумот 2019 йил 6 февраль куни эълон қилинади.
Кўрик танловнинг иккинчи босқичи: танлаб олинган иштирокчилар (кўрик-танловда иштирок этган ҳар бир олий таълим муассасасидан биттадан лойиҳа танлаб олинади) учун 2019 йил 20 февраль куни Лондон Метрополитен Университети мутахассислари ҳамда маҳаллий юқори тажрибага эга экспетлар томонидан 8 соатлик «Bootcamp» тренинги ташкил этилади (18–19 февраль кунлари Лондон Метрополитен Университети мутахассислари ҳамда юқори малакага эга маҳаллий экспетлар томонидан тренингга тайёргарлик кўриш ишлари амалга оширилади). 2019 йил 21 февраль куни тренингдан сўнг иштирокчилар томонидан тайёрланган лойиҳалар тақдимоти видео тасвирга ёзиб олинади.
Видео тасвирга ёзиб олинган лойиҳалар тақдимоти ҳакамлар томонидан 2019 йил 13 мартга қадар танлаб олинади ва кейинги босқичга тавсия этилади;
Кўрик–танловнинг учинчи босқичи: Тавсия этилган видео лойиҳа тақдимотлари веб саҳифага жойлаштирилади. Видео лойиҳа тақдимотлар 2019 йил 20 мартдан 7 майгача жамоатчилик эътиборига ҳавола этилади, шу давр мобайнида веб саҳифа орқали жамоатчилик овоз бериш имкониятига эга бўлади.
Ғолиб ва совриндорларни аниқлаш: Ҳакамлар ҳайъати қарорига кўра ягона ғолиб жамоа аниқланади ҳамда ундан кейинги 5 талик (2—6-ўринлар) кетма-кетлиги аниқланади. Бундан ташқари энг кўп жамоатчилик овозини тўплаган видео тақдимот «Жамоатчилик овози ғолиби» номинациясини қўлга
Кўрик-танловнинг Bootcamp босқичига саралаб олинган жамоа аъзоларига иштирок этганлигини тасдиқловчи сертификат берилади;
Ҳакамлар ҳайъати томонидан аниқланган ягона ғолиб жамоа 2019 йил 9 май куни Лондонда бўлиб ўтадиган тақдирлаш маросимида видео линк орқали ёки бир вакил томонидан иштирок этиш имкониятига эга бўлиб, ғолиб жамоа 2019 йилнинг июль ойида Лондон Метрополитен Университети бўлиб ўтадиган бир ҳафталик Launch Pad тренингида иштирок этиш имкониятини қўлга киритади.
Изоҳ (0)