Janubiy Afrika Respublikasi shimolidagi Limpopo viloyatida mikroavtobus va bir necha boshqa avtomobil ishtirokida yuz bergan yo‘l-transport hodisasi oqibatida 27 kishi, jumladan, ikki nafar bola halok bo‘lgan. Bu haqda “RIA Novosti” xabar bermoqda.
Hodisa Keyptaun va Beytbrij shaharlarini bog‘lab turuvchi katta yo‘lda yuz bergan. Mahalliy politsiya vakilining so‘zlariga ko‘ra, hodisa oqibatida yana to‘rt kishi turli darajada tan jarohati olgan bo‘lib, ularning bari kasalxonaga yotqizilgan.
Ma’lum bo‘lishicha, sement ortilgan yuk mashinasi boshqaruvni yo‘qotib, yo‘lning qarama-qarshi qatnov qismiga chiqib ketgan va boshqa avtomobillar bilan to‘qnashgan. Yuk mashinasi kelib urilgan mashinalar orasida Mercedes mikroavtobusi ham bo‘lgan.
Taxminlarga ko‘ra, yuk avtomobilining haydovchisi mashina shinalaridan biri yorilib ketganidan so‘ng boshqaruvni yo‘qotgan bo‘lishi mumkin.
Izoh (0)