Rossiyadagi eng mazali shokoladni aniqlash borasida tadqiqot o‘tkazildi

Rosnazorat iste’molchilar ittifoqi ekspertlik markazi yong‘oqli shokoladning sifatini aniqlash bo‘yicha tadqiqot o‘tkazdi, deb xabar beradi “RBK”.

Tadqiqotda yettita brend shokoladlar ishtirok etdi: Dove, Ritter Sport, Munz, Milka, Fun Life, “Sharliz” va “Alyonka”.

Markaz ekspertlari “Rostest Moskva” tashkiloti xodimlari bilan birga shokoladni bir nechta omillar bilan baholadi. Xususan, shokoladning ta’mi, hidi, tarkibi, kakao va yong‘oqlarning ulushi, transyog‘lar miqdori tekshirildi.

Ritter Sport shokoladi tarkibida eng ko‘p (28 foiz)  yong‘oq borligi, eng kam (8 foiz) yong‘oq miqdori esa Milka shokoladida ekanligi aniqlandi.

Yong‘oqlarning o‘zi ham kislota miqdori jihatidan alohida tekshiruvdan o‘tkazildi. Eng sarhil yong‘oq Munz va Ritter Sport shokoladlarida, eskiroq yong‘oqlar esa “Alyonka”da uchratildi.

Barcha shokoladlarda qadog‘ida ko‘rsatilganidan ham ko‘proq kakao va sut yo‘gi mavjudligi aniqladi.