O‘zbekiston BMT inson huquqlari bo‘yicha kengashiga 2021—2023-yillar davomida a’zo bo‘lishga nomzodini qo‘ydi. Bu haqda mamlakatning xalqaro tashkilotdagi doimiy vakili Baxtiyor Ibrohimov Bosh assambleya 73-sessiyasidagi chiqishi chog‘ida ma’lum qildi, deya xabar beradi BMT matbuot xizmati.
“Biz inson huquqlari milliy tizimi va sud tizimi mustaqilligini mustahkamlash uchun muhim qadamlarni qo‘ymoqdamiz. Mamlakatda bolalar mehnati va majburiy mehnatning oldi olingan”, — deya ta’kidlagan B. Ibrohimov.
O‘zbekiston vakili mamlakat prezidentining yoshlar huquqi bo‘yicha konvensiya hamda ma’rifat va diniy bag‘rikenglik haqidagi rezolyutsiyani qabul qilish tashabbusini qo‘llab-quvvatlashga chaqirdi.
Unga ko‘ra, bu hujjatlar yoshlarning iqtisodiy-ijtimoiy muammolarini hal etish uchun shart-sharoitlar yaratish va radikallashuvining oldini olish imkoniyatini beradi.
Izoh (0)