AQSh ma’muriyati mamlakatda qonuniy asosda yashayotgan muhojirlarga viza va grin-karta berilishini qiyinlashtiruvchi tashabbusga qo‘l urdi. Bu haqda Tengrinews xabar bermoqda.
Ichki xavfsizlik vazirligi tomonidan e’lon qilingan 447 sahifali hujjat ijtimoiy ko‘makning qator choralaridan foydalangan talabgorlarga rad javobi berilishini ko‘zda tutadi.
Jumladan, gap Medicaid dasturi bo‘yicha tibbiy xizmatlar ko‘rsatilishi, ovqatlanish uchun talonlar va boshpana taqdim etilishi haqida bormoqda. Bunday xizmatlardan foydalanish mamlakatda doimiy yashash huquqini qo‘lga kiritish uchun buyurtmani ko‘rib chiqishda “muayyan salbiy omil” sifatida baholanishi mumkin.
Shuningdek, muhojirlardan talabnomani ko‘rib chiqishda 10 ming dollar miqdorida garov puli kiritilishi ham so‘ralashi mumkin. Bunday choralar talabgorlar o‘zlarini moliyaviy jihatdan ta’minlashga qodir ekanligi va AQSh ijtimoiy ta’minot tizimi uchun yuk bo‘lmasligini kafolatlashi ko‘zda tutilmoqda.
Rasmiylarga ko‘ra, mazkur yangilik yiliga 382 ming kishiga taalluqli bo‘lishi mumkin.
Izoh (0)