Britaniyaning Wow Toys o‘yinchoqlar tarmog‘i asoschisi Nadim Ednan-Laperuzning qizi Natasha Londondan Nissaga yo‘l olgan British Airways bortida sendvich iste’mol qilganidan so‘ng vafot etdi. Bu haqda “Gazeta.ru” xabar bermoqda.
Parvoz oldidan 15 yoshli Natasha aeroportda Pret a Manger do‘konlar tarmog‘ida tayyorlangan sendvichdan tatib ko‘rgandi. Samolyot bortida unda allergiya xuruji paydo bo‘ladi. Otasi tomonidan dorining ikki dozasi kiritilganiga qaramay, qiz Nissadagi kasalxonada hayotdan ko‘z yumdi. Unda kunjut urug‘iga allergik reaksiya paydo bo‘lgani taxmin qilinmoqda.
Natashaning otasi ishlab chiqaruvchi kompaniyani javobgarlikka tortish niyatida ekanligi bildirilmoqda. Shuningdek, tarkibida allergenlar bo‘lgan mahsulotlar markirovkasi qoidalarini kuchaytirish zarurati ham o‘rganib chiqiladi. Tergovchilar British Airways samolyoti ekipaji favqulodda vaziyatga nechog‘li tayyor bo‘lganiga ham aniqlik kiritadi.
Izoh (0)