АҚШ маъмурияти мамлакатда қонуний асосда яшаётган муҳожирларга виза ва грин-карта берилишини қийинлаштирувчи ташаббусга қўл урди. Бу ҳақда Tengrinews хабар бермоқда.
Ички хавфсизлик вазирлиги томонидан эълон қилинган 447 саҳифали ҳужжат ижтимоий кўмакнинг қатор чораларидан фойдаланган талабгорларга рад жавоби берилишини кўзда тутади.
Жумладан, гап Medicaid дастури бўйича тиббий хизматлар кўрсатилиши, овқатланиш учун талонлар ва бошпана тақдим этилиши ҳақида бормоқда. Бундай хизматлардан фойдаланиш мамлакатда доимий яшаш ҳуқуқини қўлга киритиш учун буюртмани кўриб чиқишда «муайян салбий омил» сифатида баҳоланиши мумкин.
Шунингдек, муҳожирлардан талабномани кўриб чиқишда 10 минг доллар миқдорида гаров пули киритилиши ҳам сўралаши мумкин. Бундай чоралар талабгорлар ўзларини молиявий жиҳатдан таъминлашга қодир эканлиги ва АҚШ ижтимоий таъминот тизими учун юк бўлмаслигини кафолатлаши кўзда тутилмоқда.
Расмийларга кўра, мазкур янгилик йилига 382 минг кишига тааллуқли бўлиши мумкин.
Изоҳ (0)